کوژرانی ئەندامانی خێزانە کوردەکە پەیوەندیی بە پرسی کورد و تورکە نییە
بەشی تورکیا- وەزیری ناوخۆی تورکیا لەبارەی کوژرانی حەوت ئەندامی خێزانێکی کورد لە کۆنیا  رایگەیاند، رووداوەکە هیچ پەیوەندییێکی بە پرسی کورد- تورکەوە نییە.

بەپێی هەواڵی کوردپرێس، سولەیمان سۆیلو، وەزیری ناوخۆی تورکیا  لەبارەی کوژرانی حەوت ئەندامی خێزانێکی کورد لە کۆنیا  رایگەیاند: "رووداوەکە هیچ پەیوەندییێکی بە پرسی کورد-تورکەوە نییە، دوژمنایەتییێکی نزیکەی 11 ساڵەیە، هاوڕێیانمان لە نزیکترین کاتدا دەتوانن ئەنجامدەرانی تاوانەکە دەستگیریان بکەن، بۆ ئەو مەبەستەش هێزە ئەمنییەکانمان کەوتوونەتەخۆ و بەم نزیکانە رادەستی یاسا دەکرێن".

شایانی باسە رۆژی هەینی خێزانێکی کوردی حەوت کەسی لە ناوچەی مارمارەی کۆنیا کۆمەڵکوژکران و دواتر خانووەکەشیان سوتێنرا.

 

کۆدی هەواڵنێر: 60113