کوردپرێس:
حوسێن مەستۆ ئەندامی مەکتەبی سیاسیی پارتی دیموکراتی کوردستانی سووریا (الپارتی) لە لێدوانێکدا بۆ کوردپرێس ئاماژەی بە دۆخی ئەم دوایییەی ئەفغانستان و دووپات بوونەوەی ئەو سناریۆیە لە کوردستانی سووریا کرد و گوتی: ئەریکا وەک ئەو مارە وایە کە بەر و پشتی سیاسەتەکەی ڕوون نیە و ناکرێ متمانە بەو دەسەڵاتە بکەین.
ناوبراو گوتیشی ئەمریکا لە هەر شوێنێک بەرژەوەندیی نەمێنێت دەکشێتەوە و دەڕوات هەر بۆیەش متمانەی پێ ناکرێت.
حوسێن مەستۆ زیادی کرد: ئەگەر ئەمریکا لە کوردستانی سووریا بکشێتەوە دۆخەکە لە ئەفغانستان خراپتری بەسەر دێت و نەک هەر تورکیا بەڵکوو دەوڵەتی ناوەندی و گرووپەکانی دیکەش دەرفەتی لێدێنن و هێرش دەکەنە سەر ئەم ناوچەیە.
ناوبراو ئاشکراشی کرد: ئێستا تا ئەو کاتەی ئەمریکا هەست بکات لە کوردستانی سووریا بەرژەوەندیی ماوە لەو ناوچەیە ناکشێتەوە.
Your Comment