بەپێی هەواڵی کوردپرێس، حسێن ئهمیر عەبدوڵڵاهیان، وەزیری دەرەوەی ئێران ئەمڕۆ شەممە (28ی ئاب) لەمیانی وتارێکدا لە لوتکەی بەغدا بۆ هاریکاری و هاوبەشی رایگەیاند: ئێمە هیوادارین بەم کۆنگرەیەدا بگەینە ناوچەیێکی پێشکەوتوو و ئازاد، عێراق ئەمڕۆ رۆڵێکی گرنگ دەگێڕێت، کۆماری ئیسلامی ئێران یەکەمین وڵاتی ناوچەکە بوو کە دانی بە عێراقی نوێدا نا و ئومێدەوار بوو لە رێگەی پشتگیرکردنی ئەو سیاسەتانەی کە لە عێراقدا پەیڕەو دەکران جەختی لەوە کردەوە کە فرە ڕهنگی و پەیوەندی سیاسی، ئابووری و بازرگانی لەگەڵ عێراق نوێدا دابمەزرێنێت.
وەزیری دەرەوەی ئێران ئاماژەی بەوەش کرد، عێراقی نوێی ئازاد کرا و لە تیرۆر پێویستی بە بونیادنانەوەیە و وە پتەو کردنی بارودۆخی ناوخۆی عێراق و پتەو کردنی پەیوەندیەکانی پێکەوە کارکردنە لەگەڵ وڵاتانی ناوچەکە، بۆیە کۆماری ئیسلامی ئێران ئێستا کە پشتگیری لە ئاسایش و سەربەخۆیی و یەکپارچەیی خاکی عێراق و شکۆمەندی و تواناکانی عێراق دەکات، بەرزکردنەوەی پێگەی ئیقلیمی و نێودەوڵەتی عێراق ئێران رایدەگەیەنێت ئامادەیی خۆی بۆ کارکردنی دوو قۆڵیانە لەگەڵ ئێران یاخود ئیقلیمیانە دەردەبڕێت.
حسێن ئهمیر عەبدوڵڵاهیان باسی لەوەش کرد، "قەبارەی ئاڵوگۆڕی بازرگانی نێوان ئێران و عێراق لەماوەی رابردودا زیاتر بوە لە 300 ملیار دۆلار، بوونی هەشت دەروازەی فەرمی و چالاک لە نێوان هەردوو وڵات و بەردەوام بوونی ئاڵوگۆڕکردنی بازرگانی لەڕێگەی ئەو دەروازانەوە گوزارشت دەکات لەو پەیوەندیە بەهێز و قوڵەی کە لە نێوان هەردوولادا هەیە، ئێران لە رێگەی هەناردە کردنی خزمەتگوزاری ئەندازیاری، هونەری و غاز و کارەبا بۆ عێراق ئەمە بەڕوونی دەردەکەوێت کە تا چەند کاریگەری هەبوو لە پەرەپێدانی پەیوەندیەکانی لەگەڵ عێراق".
ئەوەشی خستەڕوو، سەرهەڵدانی داعش مەترسیدارترین رووداو بوو کە رووبەڕووی ناوچەکە بووەوە و زیانێکی گەورەی قەرەبوو نەکراو رووبەڕووی ناوچەکە بووەوە، عێراق زیانێکی گەورەی بەرکەوت بەهۆی سەرهەڵدانی گرووپە تیرۆرستەکان، ئەگەر ئیدارەی جەماوەری عێراق نەبوایە بە پاڵپشتی مەرجەعییەتی عێراق و بەشداری کردنی پێکهاتە جیا جیاکانی عێراق نەدەزانرا چی چاوەڕوانی چی بەسەر وڵاتانی ناوچەکەدا دەهات و تا چ رادەیەک ناوچەکە و جیهان رووبەڕووی هەڕەشەی راستەقینە دەبوونەوە".
کۆدی هەواڵنێر: 60113
Your Comment