کوردپرێس:

ئاژانسی هەواڵی سپۆتنیکی لە زاری بسام شاکرەوە کە نوێنەرێکی ئەنجومەنی سووریای دیموکراتە و ئەنجومەنەکەش باڵی سیاسیی هێزەکانی سووریای دیموکراتە کە کورد سەرۆکایەتیی دەکات لە واشەنتۆنەوە دەڵێت ئەمریکا دەبێت تا کۆتایی ئەرکی شەڕی دژبە داعش لە ناوچەی ژێردەسەڵاتی کوردەکانی سووریا بمێنێتەوە.

بسام شاکر دەشڵێت: ئەمریکا پێویستە پێش کشانەوە لە سووریا کوردەکان ئاگادار بکاتەوە و کشانەوەکەش لە چەند قۆناغدا بکرێت.

ناوبراو جەختی کردەوە کە ئەمریکا ڕۆژێک لە ڕۆژان هەر سووریا چۆڵ دەکات بەڵام پێویستە ئەوان ئەرکی شەڕی دژبەداعش تەواو بکەن.