کاروانێکی سەربازیی ئەمریکا گەیشتە کوردستانی سووریا/ ئەمریکا بنکەکانی خۆی بەهێز دەکات
بەشی سووریا- کاروانێکی سەربازیی ئەمریکا کە کەرەستەی سەربازیی پێیە گەیشتە ناوچەی حەسەکە لە کوردستانی سووریا.

بەپێی هەواڵی کوردپرێس، کاروانێکی سەربازیی ئەمرکیا کە کەرەستە و ئامێری سەربازی و لۆجێستیکی پێیە گەیشتە پارێزگای حەسەکە و لەوێوە بۆ فڕۆکەخانەی «خراب الجیر» گواسترایەوە.

ئاژانسی فەرمیی حکوومەتی سووریا، سانا لە ڕاپۆرتێکدا ڕایگەیاند کە کاروانێکی ئەمریکی لە ڕێگای دەروازەی ئەلوەلید هاوسنوور لەگەڵ کوردستانی عێراق داخڵی خاکی سووریا بووەتەوە و بەرەو فڕۆکەخانەی «خراب الجیر» لە ناوچەی مالکیە لە باکووری حەسەکە بەڕێکەوتووە.

هێزەکانی ئەمریکا لە هەفتەی ڕابردوودا دەیان بارهەڵگر چەک و تەقەمەنی و کەرەستەی سەربازییان بۆ ناوچەی ژێر کونترۆڵی هێزەکانی سووریای دیموکرات گواستۆتەوە. ئەمەش نیشاندەری ئەوەیە کە ئەمریکا بنکەکانی خۆی لەم ناوچانەدا بەهێز دەکات.