بەپێی هەواڵی کوردپرێس، سێرگەی ڕیباکۆف جێگری وەزیری دەرەوەی ڕووسیا لەبارەی ئامادەبوونی ئەمریکا لە ناوچەی ژێر کونترۆڵی کوردەکانی سووریا دەڵێت: یەکێک لە هۆکارەکانی ناسەقامگیری و درێژەی ڕووبەڕووبوونەوەکان لە سووریا ئامادەبوونی نایاسایی ئەمریکایە لەو وڵاتەدا.
ناوبراو بە ئاژانسی سپۆتنیکی ڕووسیا وتووە: بە ڕای من ئامادەبوونی سەربازیی ئەوان لە سووریا سیناریۆی دابەش کردنی ئەو وڵاتەی لە پشتە. ئێمە دژی ئەم سیناریۆ دەوەستین و بەپێی بڕیارنامەی ئەنجومەنی ئاسایشی نەتەوە یەکگرتووەکان هەنگاو هەڵدەگرین کە خوازیاری پاراستی یەکپارچی و سەروەریی خاکی سووریایە.
ئەمریکا لە ساڵی 2015ەوە پشتگیریی لە هێزە کوردەکانی سووریا دەستپێکردووە و لە ئێستادا 900 سەربازی خۆی لەناوچەکانی باکووری ڕۆژهەڵاتی سووریا لە نزیک کێڵگە نەوتییەکانی ژێر کونترۆڵی کوردەکاندا جێگیر کردووە.
Your Comment