بەپێی هەواڵی کوردپرێس، بڕیارە هەڵبژاردنەکانی پەرلەمانیی عێراق 10 ئاکتەوبر بەڕێوەبچێت کە بەگوێرەی پێشبینی ژمارەیێک لە شرۆڤەکاران ڕەنگە بەهۆی گۆڕینی یاسای هەڵبژاردنەکانەوە، گۆڕانکاری لە ئەنجامەکانیشدا دروست ببێت.
هەفتەنامەی ئینگلیزی زمانی ئەهرام ویکلی دەنووسێت یەکی لە کاریگەرییەکانی گۆڕینی یاسای هەڵبژاردنەکان لە عێراق ئەگەری کەم کردنی کورسیی کوردەکانە لەم هەڵبژاردنەدا.
گۆڤارەکە ئاماژە دەدات بەژمارەی کورسیی کوردەکان لە هەڵبژاردنی پەرلەمانیی پێشوودا کە گەیشتە 58 کورسی و دەنووسێت ڕەنگە حزبە کوردەکان ژمارەیێک لە کورسییەکان لەدەست بدەن.
بەم حاڵەشەوە جەخت دەکاتەوە کە دوو حزبی دیموکراتی کوردستانی عێراق و یەکێتیی نیشتمانیی کوردستانی عێراق کە لەگەڵ بزووتنەوەی گۆڕان هاوپەیمانیی پێکهێناوە زیاترین ژمارەی کورسی بەدەست دێنن.
Your Comment