بەپێی هەواڵی کوردپرێس، لە سێیەمین دادگەی سزا قورسەکانی سێرت لە کوردستانی تورکیا 27 ـەمین دانیشتنی دادگەیی کردنی 18 کەس بەڕێوەچوو کە ماوەی 5 ساڵە بە تۆمەتی ئەندامێتی پەکەکە دادگەیی دەکران و خرابوونە زیندانەوە.

ئەو 18 کەسە کە 5 ـیان منداڵن و تەمەنیان لە خوار 18 ساڵانە، رۆژی 14ی تەممووزی 2016 دوای هێرشێک بۆ سەر سەربازگەی رۆژهەڵات سەر بە سێیەمین فەرماندەیی کۆماندۆ و بازگەی پۆلیسی جمهوورییەت لە سنووری پارێزگای سێرت دەستگیرکرابوون و بە تۆمەتی "ئەندامێتی پەکەکە" و "تێکدانی یەکپارچەیی و یەکێتی دەوڵەت" دادگەیی دەکران.

دادگەی سێرت دوای وەرگرتنی گوتەی تۆمەتبارەکان سزای زیندانی کردنی هەتاهەتایی بۆ 11 لە تۆمەتبارەکان بڕییەوە.

بە بڕیاری دادگە سزای زیندانی کردن بۆ 5 کەسی دیکە بڕیاریەوە کە منداڵن و تەمەنیان لە خوار 18 ساڵانە بە 18 ساڵ و 4 مانگ زیندانیکردن سزادران.

دادگە هەر لەو کەیسەدا بڕیاری بێتاوانی بۆ 4 کەس دەرکرد کە لە چوارچێوەی دۆسیەکەدا لێکۆڵینەوەیان لەگەڵدا دەکرا.

سەرچاوە: تۆڕی میدایی ڕووداو