مەرجەکانی موقتەدا سەدر بۆ به‌شداری کردنی لایەنە سیاسیە دووڕاوەکان له ‌کابینه‌ی نوێی حکوومه‌ت

بەشی عێراق و هەرێمی کوردستان- موقته‌دا سه‌در رێبه‌ری ره‌وتی سه‌در رایگه‌یاند، هه‌ر لایه‌نێکی سیاسی بیه‌وێت به‌شداری له‌ کابینه‌ی نوێی حکوومه‌ت بکات دەبێت دان بە شکستەکەیان لە هەڵبژاردندا بنێن.

بەپێی هەواڵی کوردپرێس، موقته‌دا سه‌در له ‌په‌یامێکدا بۆ لایه‌نه‌ سیاسییه‌کان دووڕاوەکان رایگه‌یاند: "نابێت لایه‌نه‌ سیاسییه‌کان دۆڕاندنیان له‌م هه‌ڵبژاردنه‌دا ببێته‌ هۆکارێک بۆ کۆتایی هێنان و تێکدانی پرۆسه‌ی دیموکراسی ئێستا و داهاتووی عێراق و پێویستیشه‌ به‌خۆیاندا بچنه‌وه‌ بۆئه‌وه‌ی دووباره‌ متمانه‌ی گه‌ل به‌ده‌ستبهێننه‌وه‌، ئه‌گه‌رنا مێژوش له‌ده‌ستده‌ده‌ن و توڕه‌یی خه‌ڵک زیاتر ده‌که‌ن".

ناوبراو وتیشی: "هه‌ر لایه‌نێکی سیاسی بیه‌وێت به‌شداری له‌ پێکهێنانی حکوومه‌تی نوێ بکات، پێویسته‌ به‌ر له‌هه‌رشتێک لێپرسینه‌وه‌ له‌گه‌ڵ ئه‌و ئه‌ندامانه‌ی بکات که‌ گومانی گه‌نده‌ڵییان له‌سه‌ره‌ و راده‌ستی دادگایان بکه‌ن، هه‌روه‌ها پێویسته‌ حه‌شدی شه‌عبی رێکبخرێته‌وه‌ و تێکه‌ڵ به‌ سیاسه‌ت نه‌کرێت، له‌گه‌ڵ ئه‌وه‌شدا پێویسته‌ ئه‌و لایه‌نانه‌، په‌یوه‌ندیه‌کانیان له‌گه‌ڵ وڵاتانی ده‌ره‌وه‌ی عێراق کۆتایی پێبهێنن تا سه‌ربه‌خۆیی و شکۆی عێراق پارێزراو بێت".

موقته‌دا سه‌در ئاماژه‌ی به‌وه‌ش کرد، ده‌بێت سه‌رجه‌م گرووپه‌ چه‌کداره‌کان هه‌ڵبوه‌شێندرێنه‌وه‌ و چه‌که‌کانیشیان له‌قۆناغی یه‌که‌مدا، له‌ژێر سه‌رپه‌رشتی فه‌مرانده‌ی گشتی هێزه‌ چه‌کداره‌کان راده‌ستی حه‌شدی شه‌عبی بکرێت".

رێبه‌ری ره‌وتی سه‌در ئه‌وه‌شی ئاشکرا کرد، به‌جێبه‌جێ کردنی بنه‌ما و خاڵه‌ سه‌ره‌کییه‌کان، ده‌توانن چاکسازی له‌چه‌ند ساڵی رابردوودا ئه‌نجام بده‌ن، که‌ مه‌رجه‌عیه‌ت و گه‌لی عێراق داوایکردوه‌، به‌بێ توندوتیژی و به‌ ئاشتی و پاڵپشتی گه‌ل ده‌توانن پێگه‌وه‌ عێراق بونیاد بنێنه‌وه‌.

News Code 4147

Your Comment

You are replying to: .
captcha