لە پێکدادانەکانی عەین عیسادا 7 میلیشیای سووری کوژران

بەشی سووریا- لە پێکدادانەکانی شەوی ڕابردوودا لە نزیک شاری عەین عیسا لە کوردستانی سووریا 7 میلیشیای سوپای ئازادی سووریا کوژران.

کوردپرێس:

سوپای سووریای دیموکرات لە بەیانێکدا ڕایگەیاند لە پێکدادانەکانی شەو و ڕۆژی ڕابردووی عەین عیسا لە گوندی "المشرفە" هەڵکەوتوو لە 2 کیلۆمەتریی عەین عیسا 7 میلیشیای سەربە گرووپەکانی سەربە تورکیا کوژران.

سوپای سووریای دیموکرات لە بەیاننامەکەیدا کە ماڵپەڕی هاوارنیوز بڵاوی کردۆتەوە ڕایگەیاند: سوپای داگیرکەری تورکیا و بەکرێگیراوانی سەر بەو سوپایە هێرشەکانیان بۆ سەر ناوچەی عەین عیسا چڕتر کردووە. ئەو هێزانە هێرشی فراوانیان کردۆتە سەر دەوروبەری عەین عیسا و هەموو هێرشەکان پووچەڵ کراونەتەوە.

هەر لە بەیاننامەکەدا نووسراوە: شەوی ڕابردوو گوندی المشرفە لە چەند قۆڵەوە هێرشی کرایە سەر بەڵام سوپای سووریای دیموکرات هەموو ئەو هێرشانەی تێکشکاند و لە ئەنجامدا لە پێکدادانی نێوان دوو لایەنەکەدا 7 بەکرێگیراو کوژران و 3ی دیکەش بریندار بوون.

News Code 428

Your Comment

You are replying to: .
captcha