بافڵ تاڵەبانی: هێرشەکانی داعش ئاماژەن بۆ خۆڕێکخستنەوەی ئەو گرووپە
بەشی عێراق و هەرێمی کوردستان- هاوسەرۆکی یەکێتی رایگەیاند مەترسیەکانی داعش هێشتا ماون و هێرشە یەک لەدوای یەکەکانیشیان ئاماژەن بۆ هەوڵەکانی خۆڕێکخستنەوەیان.

بافڵ تاڵەبانی، هاوسەرۆکی یەکێتی ئەمڕۆ هەینی، لەبارەی هێرشەکەی شەوی رابردووی داعش لە سنووری قەرەچوخ، لە پەیامێکدا وتی: "گرووپی تیرۆریستیی داعش و مە‌ترسییە‌کانی ھێشتا ماوە‌ و ھێرشە‌ یە‌ک لە‌دوای یە‌کە‌کانیان ئاماژە‌ن بۆ ھە‌وڵە‌کانی خۆڕێکخستنە‌وە‌یان".

ئەوەشی خستۆتەڕوو "ئە‌رکی سە‌رشانی ھە‌موولایە‌کمانە‌، بە‌ھێزی پێشمە‌رگە ‌و ھێزە‌ عێراقییە‌کان و ھاوکارانمان لە‌ ھێزە‌ ھاوپە‌یمانە‌کان لە‌و مە‌ترسییە‌ وردتر بە‌ئاگا بین، ئە‌م جارە‌ تە‌نھا لە‌ رووی سە‌ربازییە‌وە‌ رووبە‌ڕوویان نە‌بینە‌‌وە‌، بە‌ڵکوو بیرو شانە‌ نووستووە‌کانیشیان لە‌بن بێنین".