بەپێی هەواڵی کوردپرێس، وەزارەتی دەرەوەی ئەمریکا له‌راگه‌یه‌ندراوێكدا له‌باره‌ی هێرشه‌كانی داعش بۆ سه‌ر پێشمه‌رگه‌ و هاوڵاتیانی مه‌ده‌نی له‌ سنووری مه‌خموور رایگه‌یاند: "ئەمریکا زۆر نیگەرانە لە بەردەوامی هێرشەکانی داعش لە سەرانسەری عێراق، لەوانە ئەو هێرشەی له‌ قەزای مەخموور کە 10 پێشمەرگە و سێ هاوڵاتی مەدەنی شه‌هید بوون".

وەزارەتی دەروەی ئەمریکا ئاماژه‌ی به‌وه‌ش كردووه‌، سەرەخۆشی لە کەسوکاری کوژراوان و بریندارانی ئەو هێرشانە دەکەن، "ئەمریکا پابەندی خۆی دووپات دەکاتەوە بۆ پشتگیری کردنی هێزە ئەمنییەکانی عێراق بە پێشمەرگەشەوە، چوونکە ئەوان بەردەوامن لە شەڕی دژی داعش بۆ كۆتایی هێنان به‌ رێكخراوه‌كه‌".