وەزیری دەرەوەی لیتوانیا گەیشتە هەولێر
بەشی جیهان- کەمێک پێش ئێستا وەزیری دەرەوەی لیتوانیا لە چوارچێوەی سەردانەکەی بۆ عێراق گەیشتە پایتەختی هەرێمی کوردستان.

بەپێی هەواڵی کوردپرێس، لە فرۆکەخانەی نێودەوڵەتیی هەولێر، گابریلیۆس لاندسبێرگیس، وەزیری دەرەوەی لیتوانیا لە لایەن سەفین دزەیی، بەرپرسی فەرمانگەی پەیوەندییەکانی دەرەوەی حکوومەتی هەرێمی کوردستانەوە پێشوازیی لێکرا.

وابڕیارە لەمیانەی سەردانەکەیدا بۆ هەرێمی کوردستان، وەزیری دەرەوەی لیتوانیا لەگەڵ هەریەکە لە سەرۆکی هەرێمی کوردستان و سەرۆکوەزیرانی هەرێمی کوردستان کۆ ببێتەوە.