٢٧ کانونی یەکەم ٢٠٢٠ - ١٢:٢٦
دوو چەکداری داعش له‌ که‌رکووک کوژران

بەشی عێراق و هەرێمی کوردستان- فه‌رمانده‌ی هێزه‌کانی پۆلیسی فیدڕاڵی، کوژرانی دوو چەکداری داعشی له‌ باشووری رۆژئاوای که‌رکووک راگه‌یاند.

بەپێی هەواڵی کوردپرێس، نووسینگه‌ی راگه‌یاندنی فه‌رمانده‌ی پۆلیسی فیدڕاڵی لە بەیاننامەیێکدا بڵاوی کردەوە: "هێزه‌کانی تیپی پێنجی پۆلیسی فیدڕاڵی له‌میانی ئۆپراسیۆنێکی ئه‌منیی جۆریدا و به‌سه‌رپه‌رشتی راسته‌وخۆی لیوا حه‌یده‌ر متوڕی، فه‌رمانده‌ی تیپه‌که‌، توانیوییانه‌ دوو چەکداری داعش بکوژن".

ئاماژەی بەوەش کردووە، ئەو چەکدارانە، له‌ناوچه‌یێکی ناحیه‌ی ره‌شاد له‌ باشووری رۆژئاوای که‌رکووک که‌وتوونه‌ته‌ ناو که‌مینێکی پته‌وی هێزه‌کانیان و ئابڵوقه‌دراون.

ئەوەش خراوەتەڕوو، ئۆپراسیۆنه‌که‌ پاڵپشت به‌ رێنماییه‌کانی عوسمان غانمی، وه‌زیری ناوخۆ ئه‌نجام دراوه‌ که‌ رێنمایی به‌ هێزه‌کانی داوه‌ بۆ ئه‌نجامدانی ئۆپراسیۆنی پێشوه‌خته‌ و به‌دواداچوون و ده‌ستنیشان کردنی جموجۆڵه‌کانی چه‌کدارانی داعش و گرووپه‌ تاوانکارییه‌کان و وشک کردنی سه‌رچاوه‌کانی تیرۆر و به‌دواداچوونی راسته‌وخۆی فه‌ریق روکن جه‌عفه‌ر به‌تات، فه‌رمانده‌ی هێزه‌کانی پۆلیسی فیدڕاڵی.

کۆدی هەواڵنێر: 60113

News Code 486

Tags

Your Comment

You are replying to: .
captcha