بەپێی هەواڵی کوردپرێس، پارتی دیموکراتیکی گەلان HDP لە بەیاننامەیەکدا کە لە 74ەمین ساڵۆگەڕی کارەساتی (النکبە)ی فەلەستین بڵاوی کردۆتەوە، وێڕای ئیدانە کردنی هێرشی سیستەماتیکی ئیسرائیل بۆسەر خەڵکی فەلەستین داوای لە حکوومەتی تورکیا کرد پەیوەندییەکان لەگەڵ ئیسرائیل بوەستێنێت.
لە بەیاننامەکەدا کە ماڵپەڕی فەرمیی هەدەپە بڵاوی کردۆتەوە هاتووە: النکبە کە فەلەستینییەکان وەکوو کارەساتە گەورەکە ناوی لێدەبەن، ڕۆژێکە کە فەلەستینییەکان ناچار بوون کۆچ بکەن مافی چارەی خۆنووسییان لەلایەن حکوومەتە ئیمپریالیستەکانەوە پێشێل کرا.
هەدەپە لە درێژەدا ئاماژەشی دا بە درێژەی هێرشە سیستەماتیکەکانی ئیسرائیل بۆسەر گەلی فەلەستین و دەڵێت ئەم هێرشانە هاوشێوەی ڕەفتارەکانی تورکیایە لەگەڵ کورد.
Your Comment