لێکنزیکبوونەوەی حزبە کوردستانییەکان کاریگەریی لەسەر پەیوەندیی یەکێتی و چارچێوەی هەماهەنگی نابێت
بەشی عێراق و هەرێمی کوردستان- ئەندامێکی یەکێتیی نیشتمانیی کوردستان جەخت دەکاتەوە لێکنزیکبوونەوەی حزبە کوردستانییەکان کاریگەریی لەسەر پەیوەندیی تۆکمەکەی یەکێتی و چارچێوەی هەماهەنگیی نابێت.

بەپێی هەواڵی کوردپرێس، حسێن ئالی بە بەغداد ئەلیەومی وت: بە ئاوڕدانەوە لەوەی کە یەکێتی و چوارچێوەی هەماهەنگی دوو هاوبەشی بنەڕەتین لە پڕۆسەی سیاسیی عێراقدا، نزیکبوونەوەمان لە حزبە کوردستانییەکان نابێتە هۆی تێکدانی ئەم پەیوەندییە.

ئالی هیوای خواست حزبە شیعەکان بتوانن ناکۆکیی نێوانیان وەلابنێن.