تورکیا هێرش دەکاتە سەر مەنبەج و تەلڕەفعەت
بەشی تورکیا- سه‌رۆكى توركیا ڕایگەیاند بەمەبەستی تەواو کردنی ناوچەی ئارام تا قووڵایی 30 کیلۆمەتر لەناو خاکی سووریا هەریەک هێرش دەکەینە سەر شارەکانی مه‌نبه‌ج‌ و تەلڕەفعەت.

بەپێی هەواڵی کوردپرێس، ڕەجەب تەیب ئەردۆغان سەرۆكی توركیا جارێكى تر هەڕەشەی هێرشی سەربازیی بۆ سەر دوو ناوچەی کوردستانی سووریا دووبارە كردەوە و ڕایگه‌یاند: هەریەک لە شارەکانی مه‌نبه‌ج‌ و تەلڕەفعەت دەکرێنە ئامانجی هێرشی ئەمجارەی تورکیا

ئه‌ردۆغان ئه‌وه‌شى وت: هەنگاوێکی دیکە دەنێین بۆ دامەزراندنی ناوچەیەکی پارێزراوی 30 کیلۆمەتری بە درێژایی سنووری باشوورمان، ئێمە تەلڕه‌فعەت‌ و مەنبه‌ج پاک دەکەینەوە و ده‌یخه‌ینه‌ ژێر كۆنترۆڵى خۆمان.

تورکیا یەپەگە بە گرووپێکی تیرۆریستی دەزانێت کە بەوتەی ئەوان پەیوەندییان بە پارتی کرێکارانی کوردستانەوە هەیە.