وەزیری دەرەوەی ئەمریکایش هۆشداری دەدات لە ئەگەری هێرشی تورکیا بۆسەر کوردەکانی سووریا 
بەشی جیهان- ئه‌نتۆنى بلینکن هۆشداریی دایە تورکیا لەبارەی هێرش کردنەسەر ناوچەی ژێر کونترۆڵی کوردەکای سووریا.

بەپێی هەوڵی کوردپرێس، ئه‌نتۆنى بلینکن وه‌زیرى ده‌ره‌وه‌ى ئه‌مریكا لە كۆنفرانسێكى ڕۆژنامه‌وانی هاوبه‌شدا لەگەڵ یەن سۆڵتبنێرگ سکرتێری گشتی ناتۆ هه‌ڵوێستى وڵاته‌كه‌ى له‌سه‌ر ئه‌گه‌ره‌كانى هێرش ‌و په‌لامارى توركیا بۆسه‌ر كوردستانی سووریا ئاشكرا ده‌كات ‌و ڕایده‌گه‌یه‌نێت: "دژیی هێرشى توركیا ده‌وه‌ستینه‌وه‌ بۆ سەر باکووری سووریا (کوردستانی سووریا)".

وه‌زیرى ده‌ره‌وه‌ى ئه‌مریكا ڕاشیگه‌یاند، "ئێمە دژی هەر زیادبوونێکی توندوتیژین لە باکووری سووریا ‌و پاڵپشتی بەردەوامیدان بەهێڵەکانی ئاگربەست دەکەین.

شایانی باسە ڕەجەب تەیب ئەردۆغان سەرۆكی توركیا دوێنی ڕایگەیاند هەریەک لەشارەکانی مه‌نبه‌ج‌ و تەلڕەفعەت داگیردەکەین ‌و مۆڵه‌تیش له‌كه‌س وه‌رناگرین.