دەست لەکارکێشانەوەی نوێنەرانی ڕەوتی سەدر لە پەرلەمانی عێراق بەواتای کۆتایی هاتنی پڕۆسەی سیاسیی عێراقە
بەپێی هەواڵی کوردپرێس، عیماد باجەلان لە دیدارێکى تەلەفزیۆنیدا وتى "ئەگەر ئەم دەستلەکارکێشانەوەیە سەربگرێت ئەوە دەبێت فاتیحا بۆ پرۆسەی سیاسی بخوێنرێت".

ناوبراو وتیشى: "وەک پارتی نابێت پەلە بکەین شتەکە قەیرانی ناو پێکهاتەی شیعەیە بە پلەی یەکەم و هی پارتی و سیادەی سوننەکان نییە".

باجەلان دەشڵێت، ئەگەر پارتى و سوننەکان رەزامەند بن لەسەر پێکهێنانى حکوومەت لەگەڵ چوارچێوەى هەماهەنگى، ئەو حکوومەتە تەمەنى لە 15 رۆژ زیاتر نابێت.

شایانی باسە فراکیسۆنى رەوتى سەدر کە بە 73 کورسییەوە خاوەنى زۆرترین کورسی پەرلەمانە، لەسەر داواى موقتەدا سەدر لە پەرلەمان کشایەوە.