بەپێی هەواڵی کوردپرێس، وه‌زاره‌تى نه‌وتى عێراق له‌ڕێگه‌ى نووسراوێكه‌وه هۆشداریی به كۆمپانیاكانى بوارى نه‌وت له هه‌رێمى كوردستان ده‌دات و داوایان لێده‌كات له‌ماوه‌ى سێ مانگدا كۆتایی به كار و گرێبه‌سته‌كانیان بهێنن.
وەزارەتی نەوتی عێراق هۆشداریش ده‌دات، له‌ئه‌گه‌رى پاپه‌ند نه‌بوونیان، ده‌خرێنه لیستى ڕه‌شه‌وه.
ئەوش لە کاتێکدا کە رۆژی 19ی ئایاری 2022 و لەسەر داوای وەزیری نەوتی عێراق دادگای بازرگانیی الکرخ لە بەغدا ئەو کۆمپانیا نێودەوڵەتییانەی کە لە چوارچێوەی هەرێمی کوردستاندا کار دەکەن بانگ کرد لەوانەش کۆمپانیای DNO، وێسترن زاگروس، HKN، شاماران، گەنەڵ ئێنێرجی، ئاداکس و گۆلف کیستۆن، کە گرێبەستەکانیان بەپێی یاسای ژمارە 22ی ساڵی 2007ی نەوت و گازی کوردستان واژوو کراوە.
دوێنێیش وەزارەتی سامانە سرووشتیەکانی حکوومەتی هەرێمی کوردستان راگەیێنراویکی لەبارەی دۆسییەی نەوتی هەرێمی کوردستان و بانگهێشت کردنی ئەو کۆمپانیا نەوتییانەی لە هەرێمی کوردستان کاردەکەن بڵاو کردەوە و تێیدا هێرشی کردە سەر ئەو رێوشوێنانەی دژ بە هەرێمی کوردستان دەگیرێنەبەر و سکاڵای لەدژی وەزیری نەوتی عێراق تۆمار کرد.
Your Comment