بەپێی هەواڵی کوردپرێس، حسێن ئەمیرعەبدوڵڵاهیان وەزیری دەرەوەی ئێران پێش ئەوەی کە بەرەو دیمەشق بەڕێبکەوێت ڕایگەیاند: لە درێژی ئەوەی سەردانەی کە 4 ڕۆژ پێش ئێستا بۆ تورکیا ئەنجامم دا پێویستە لەگەڵ بەرپرسانی سووریش ڕاوێژ بکەین.
وەزیری دەورەی ئێران ڕاشیگەیاند: چەندین گۆڕانکاری لە ناوچەکەدا خەریکە ڕوودەدات و کۆماری ئیسلامیی ئێران هەوڵ دەدات بەردەوام ڕۆڵێکی سازێنەر بگێڕێت و ڕێگری بکات لە سەرهەڵدانی قەیرانی نوێ لە ناوچەکەدا.
ئەمیر عەبدوڵڵاهیان وەبیری هێنایەوە: بەشێک لە سەردانەکەی من بۆ سووریا بەو ئامانجەوە ئەنجام دەدرێت کە بتوانین ڕێگای ئاسایش و ئاشتی لە ناوچەکەدا جێگیر بکەینەوە بەتایبەت لە نێوان دوو وڵاتی گرینگی ناوچەکەدا، واتا تورکیا و سووریا کە ئێران پەیوەندیی گرینگی لەگەڵ هەردوولا هەیە.
Your Comment