بەپێی هەواڵی کۆردپرێس، حەسەن ئالی لە گفتوگۆ لەگەڵ ئاژانسی هەواڵی مەعلوومە رایگەیاند: "یەکێتی مکووڕە لەسەر دووبارە هەڵبژاردنەوەی بەرهەم ساڵح بۆ خولی دووەمی سەرۆکایەتی عێراق، بەڵام ئەگەر پارتی دیموکرات ڕازی نەبێت ئەوکات لەتیف ڕەشید کاندید دەبێت".
ئالی ئەوەشی خستەڕوو گفتوگۆکانی نێوان یەکێتیی نیشتمانی و پارتی دیموکرات هێشتا بەردەوامە و ئاماژەی بەوەش کرد، رێککەوتنی نێوان هەردوو لایەن سەبارەت بە کاندیدی سەرۆک کۆماری عێراق دوای جەژنی قوربان دەکرێت و بە بەدەست هێنانی دەنگی متمانە دەخرێتە بەردەم پەرلەمان.
ناوبراو جەختیشی کردەوە، یەکێتیی بیر لە بەرژەوەندی گشتیی گەلی عێراق دەکاتەوە و هەرگیز ڕێگر نابێت لە پێکهێنانی حکوومەتی نوێی عێراق، ئەگەر پێویست بکات لە چەند ڕۆژی داهاتوودا گۆڕانکاری لە هەڵوێستەکانیدا دەکات.
Your Comment