بەپێی هەواڵی کوردپرێس، لاوەند جەلال ئاغا، لە گفتوگۆ لەگەڵ ئاژانسی هەواڵی ئێرث نیوز، زیادی کرد: گرفتی سەرەکی لە پێکهێنانی حکوومەتی نوێی عێراقدا پرسی هەڵبژاردنی سەرۆک کۆماری ئەم وڵاتە ناکۆکییەکانی نێوان یەکێتی و پارتی نییە، بەڵکوو کێشە لە ململانێکانی نێوان لایەنە شیعەکانە.

جەلال ئاغا جەختی کردەوە: "ئەگەر برا شیعەکانمان بتوانن لەسەر ناساندنی کاندیدێک بۆ سەرۆک وەزیرانی عێراق رێکبکەون کە لەلایەن هەموو لایەنە شیعەکانەوە پشتیوانی لێدەکرێت، ئەوا چاوەڕێی یەکێتی نیشتمانیی کوردستان و پارتی دیموکراتی کوردستان نەدەبوون کە ئایا لەسەر کاندیدی سەرۆک کۆماری عێراقڕێکدەکەون یان نا.

ناوبراو سەبارەت به پرسی په یوەندییەکانی نێوان یه کێتی و پارتی دیموکرات رایگەیاند: "هێشتا ئەو پەیوەندیانه بەردەوامن، چوونکه ئێمه دوو هاوبەشی سەرەکین له حکوومەتی هەرێمی کوردستاندا، بەڵام من پێم وایه پرسی سەرۆکایەتیی عێراق پێویستە لە پەرلەمان یەکلایی بکرێتەوە و لەکووبوونەوەکانی ئەم دوو حزبەدا چارەسەر نابێت، چوونکە بۆچوونەکانیان زۆر دوورن لە یەکترەوە.