کۆنفرانسی ناوچەیی یەکگرتووی ئیسلامی لە سنە دەستی پێکرد
کۆنفرانسی ناوچەیی یەکگرتووی ئیسلامی لە ژێر ناوی "کوردستان هێمای بەدیهێنانی یەکگرتوویی ئۆمەتی ئیسلامی و پێکەوەژیانی ئەتنیک و ئایینەکان" سەرلەباەیانیی ئەمڕۆ چوارشەممە لە کەمپی ئیمام عەلی لە شاری سنە دەستی پێکرد.

بەپێی هەواڵی کوردپرێس، ئەم کۆبوونەوەیە بە ئامادەبوونی زانایانی پارێزگاکانی کوردستان، کرماشان، ئیلام، و ئازەربایجانی ڕۆژئاوا، و زانایانی هەرێمی کوردستانی عێراق، بە ئامانجی جێگیر کردنی بەدیهێنانی لێکتێگەیشتنی ئۆمەتی یەکگرتووی ئیسلامی خەریکە بەڕێوە دەچێت.

لە ڕێوڕەسمی دەستپێکردنی کۆنفرانسەکەدا، نوێنەری کاروباری ئێران لە کۆڕبەندی جیهانی ئایینە ئیسلامیەکان وتی: دوو کۆنفرانسی ناوخۆیی ناوچەیی دیکە بە میوانداریی سیستان و بەلوچستان و خوراسانی ڕەزەوی بەڕێوەدەچن.

موحسین مەشچی ئاماژەی بەوەدا کە ئەم کۆنفرانسە یەکەم هەنگاوە لە بواری پتەو کردنی یەکڕیزیی ئیسلامی و زیادیشی کرد: لەم کۆنفرانسەدا ١٣ وتاردەر لە هەرێمی کوردستانەوە وتار پێشکەش دەکەن و بە گشتی ٢٨ وتاردەرمان دەبێت.

بڵاوکردنەوەی وتارەکەی حوسێن ئەمیر عەبدوڵڵاهیان وەزیری دەرەوەی وڵاتەکەمان یەکێک دەبێت لە بەرنامەکانی ئەم لوتکەیە.

لەم دیدارەی حوجەتولئیسلام، حەمید شەهریاری، ئەمینداری گشتیی مەجمەعی جیهانی بۆ نزیکبوونەوەی ئایینە ئیسلامیەکان، حوجەتولئیسلام، عەبدولڕەزا پوورزەهەبی، نوێنەری وەلی فەقێ لە پارێزگای کوردستان، حاج مەمستە فایق ڕۆستەمی، پێشنوێژی هەینی سنە، ئایەتوڵڵا مستەفا عولەما، نوێنەری وەلی فەقێ لە پارێزگای کرماشان، مەولووی ئیسحاق مەدەنی، بەرپرسی ئەنجومەنی باڵای ئەنجومەنی جیهانیی ئایینە ئیسلامییەکان، حاجی مامۆستا مەلا قادر قادری، پێشنوێژی هەینیی پاوە، شێخ بەهائەدین محیەدین نەقشبەندی، بەڕێوەبەری قوتابخانە و بەرپرسی تەریقەتی سلێمانی نەقشبەندی، حوجەتولئیسلام سەید سەعد ئەعەجی پێشنوێژی هەنیی شیعەکانی هەولێر، ئیمامی شاری هەولێر شیعە جومعە و ژمارەیەک لە زانایانی دیکەی هەرێم وتاری خۆیان پێشکەش دەکەن.

لەم کۆنفرانسەدا بڕیار وایە چەند زانایەکی دینی ڕێزیان لێبگیردرێت. کۆبوونەوەی زانیان و گەورە پیاوانی دینی هەرێمی کوردستان لەگەڵ مامۆستایانی ئێرانی بەشێکی دیکەی بەرنامەکە دەبێت.