ئەوانەی پەرتەوازەیی دروست دەکەن لە هەوڵی وشکاندنی ریشەی ئیسلامدان
پێشنوێژی هەینی پاوە دەڵێت: ئەوانەی پەرتەوازەیی دەننەوە شیعە و سوننەی ڕاستەقینە نین و بەڵک  بەدوای لێکترازان لەناو موسوڵمانان و لەناوبردنی ڕیشەی ئیسلامدان

لە کۆبوونەوەی ناوچەیی یەکگرتوویی ئیسلامیدا لە شاری سنە، مامۆستا مەلا قادر قادری هیوای خواست فیتنەکانی دوژمنان لە دژی موسڵمانان کۆتایی بێت و وتی: پاراستنی یەکڕیزی و یەکگرتوویی نێوان ئومەتی ئیسلامی پێویستی بە ڕێزگرتنە لە بیروباوەڕی هەموو ئایینەکان.

ناوبراو ئاماژه‌ی به‌وه‌ش كرد: ئه‌مڕۆ 42 ساڵ به‌سه‌ر شۆڕشی ئیسلامیدا تێپه‌ڕیوه‌، له‌م ماوه‌یه‌دا 10 كۆنفڕانس و سیمینار و كۆبوونه‌وه‌ به‌ڕێوه‌چووه‌، منیش به‌شداری زۆربه‌یان كردووه‌ و به‌دڵنیاییه‌وه‌ ده‌توانم بڵێم به‌ڕێوه‌بردنی ئه‌و به‌رنامانه‌ زۆر كاریگه‌ری هه‌بووه‌.

پێشنوێزی هەینی پاوە وتی: ئێمە شاهیدی ئەوەین کە گەنجانی خاوەن ئیمان بۆ دەستەبەرکردنی بژێوی ژیانیان بۆ ئەورووپا کۆچیان کردووە، لەلایەکی دیکەشەوە سەرچاوەی گەورەمان هەیە وەک زانایانی ئایینی و گەورەکان و بەداخەوە ئەم توانایانە بە باشی کەڵکیان لێ وەرناگیرێت.

مامۆستا قادری لە درێژەی قسەکانیدا وتی: تا ئێستا کەس لە جیهاندا بە حکوومەتی تاڵیباندا دانی نەناوە، بەڵام ئێمە یەکڕیزیمان دەوێت لە ڕق و کینە بەدوورین، زانایان و پیاوانی ئایینی سوننە هەمیشە مژدەی یەکڕیزی بوون و لەم ڕێگەیەشدا چەندین شەهیدیان پێشکەش کردووە.

مامۆستا قاردی وەبیری هێنایەوە: هەڵسوکەوتی دوور لە خۆبەزلزانیی ڕێبەری باڵای شۆڕش لەگەڵ سوننەکان لەسەردانەکەیدا بۆ کوردستان و کرماشان نموونەی ڕوونی یەکڕیزییە..

مامۆستا قادری وتیشی: ئێمە لە وڵاتانی ئیسلامی بە ملیۆنان مزگەوت و زانای ئایینیمان هەیە، بەڵام شاهیدی كوشتن و وێرانكاری و جیاوازیین لە ناوچەکەدا و هۆكاری ئەمەش هەڵدەگەڕێتەوەوە بۆ نەبوونی هاودەنگی و ڕێزنەگرتن لە بیروڕای یەكتری.