بەپێی هەواڵی کوردپرێس، که‌جه‌که لە راگەیەنراوێکدا باسی لەوە کردووە، له ماوه‌ی حەوت مانگی ڕابردوودا به هۆی هێرشه‌کانی تورکیاوە 28 هاوڵاتیی مەدەنی به بێ دادگایی و به ناڕه‌وا کوژراون، ئەوەش مانای وایە تورکیا دەیەوێت لە کوردستانی سووریا و عێراق و تورکیا سیاسەتی پاکتاوکاریی بەرامبەر گەلی کورد جێبەجێ بکات و له‌گه‌ڵ مه‌ده‌نی و گه‌ریلاکان، ژینگه‌ی کوردستانیش له ناو ده‌بات، ده‌یسوتێنێت و له‌به‌ریه‌ک هه‌ڵیده‌وه‌شێنێته‌وه.
ئەوەشی خستوەتەڕوو، سوپای تورکیا "به‌رامبه‌ر به گه‌ریلا له زاپ، ئاڤاشین و مه‌تینا زیانی گیانی گه‌وره و مێژویی دەکات، به بۆمبی ئه‌تۆمی تاکتیکی ، چه‌کی ته‌رمۆباریک و چه‌کی کیمیایی که ده‌که‌ونه چوارچێوه‌ی تاوان و قه‌ده‌غه به‌کارده‌هێنێت.. وێڕای ئه‌وه‌ش ئه‌نجام به‌ده‌ستناهێنێت له شنگال، مه‌خمور، کونه‌ماسی، که‌لار، رۆژئاوا، مووسڵ، سلێمانی و دوایین جاریش له زاخۆ ده‌یان مرۆڤی ئێمه‌ی کوشت و به ده‌یانیشی بریندار کرد، بۆیە داوا دەکەین لە نه‌ته‌وه‌یه‌کگرتووه‌کان، ئه‌مریکا، یه‌کێتی ئه‌ورووپا و هێزه نێونه‌ته‌وه‌ییه‌کان خاوه‌نی هه‌ڵوێست بن، نه‌بنه هاوکاری تاوانه‌کانی شه‌ڕی تورکیا."
کەجەکە داوا دەکات گه‌ل و دۆستانی کورد له دژی ئەو هێرشه جارێکی تر هه‌ڵوێست و چالاکی نیشان بده‌ن و باسی لەوەش کردووە، "ئێمه ئه‌و مرۆڤانه‌ی خۆمان که شه‌هیدبوون به رێزه‌وه به بیرده‌هێنینه‌وه، هیوای چاکبوونه‌وه خێرا بۆ بریندارەکان دەخوازین، وه‌ک بزووتنه‌وه و گه‌ل به‌ڵێن ده‌ده‌ین که تۆڵەی ئه‌و کۆمه‌ڵکوژییه له کۆماری تورک بکه‌ینەوە".
Your Comment