بەپێی هەواڵی کوردپرێس، دەستەی سەرۆکایەتیی پارتی یەکێتی دیموکراتی (پەیەدە) ڕایگەیاند کە پڕۆژەی گۆڕینی قەوارەی حەشمەت لە سەرانسەری سووریا لەلایەن تورکیاوە پێی ناوەتە قۆناغێکی نوێوە و داوای لە ئەنجومەنی ئاسایشی نەتەوەیەکگرتووەکان کردووە ئاسمانی سووریا بەڕووی فڕۆکەکانی تورکیادا دابخات.
لەكاتێكدا هێرشەكانی توركیا بۆ سەر باكوور و رۆژهەڵاتی سووریا بەردەوامە، پەیەدە بەیاننامەیەكی بڵاو كردەوە و ئاماژەی بە هێرشە ئاسمانییەكانی ئەم دواییەی حكوومەتی توركیا كرد بۆ سەر ناوچە جیاجیاكانی باكوور و رۆژهەڵاتی سووریا و برینداربوون و كوژرانی خەڵكی سڤیل و داوای ڕاگەیاندنی ناوچەی دژەی فڕینی لە کوردستانی سووریا کرد.
لەم بەیاننامەیەدا هاتووە: "لەسەرەتای قەیرانی سووریاوە، حکوومەتی تورکیا بە هێرشی راستەوخۆ و ناڕاستەوخۆ (لەلایەن ئەو هێزانەی لەژێر فەرماندەییدایە) بۆ سەر خاکی سووریا، بەشێکی زۆری زەوی و زارەکانی ئەم خاکەی داگیرکردووە، هەروەها پرۆژەی بە تورک کردنی ناوچەکە و سەپاندنی ئیمپراتۆریەتی عوسمانیی جێبەجێ کردووە.
لە درێژەدا هاتووە فڕۆکە بێفڕۆکەوانەکانی تورکیا خەڵکی سڤیل و هێزەکانی ئاسایشی ناوخۆ و هێزەکانی سووریای دیموکرات (هەسەدە) دەکەنە ئامانج ئەوەش بە مەبەستی زەبرلێدان لە ئیدارەی خۆسەری کوردستانی سووریا.
ڕاشیگەیاندووە: فڕۆکەکانی تورکیا ئەو کەس و گرووپانە دەکەنە ئامانج کە رۆڵی راستەوخۆیان لە شەڕی دژی داعشدا هەبووە. "سوڕانەوەی فڕۆکە و فڕۆکە بێفڕۆکەوانەکانی تورکیا بەسەر ئاسمانی سووریادا پێشێل کردنی ڕێککەوتنە نێودەوڵەتییەکانە".
Your Comment