کوردپرێس: بەپێی زانیاریە بڵاوکراوەکانی ناو میدیاکانی تورکیا؛ چەند جێبێکی گەشتیاری کە هەڵگری گەشتیاری عێراقی بوون لە شاری مەرمەریسی تورکیا وەرگەڕاوە و بەهۆیە پێنج کەس گیانیان لەدەست داوە و شەشی دیکەش بریندارن.
ئەوەش خراوەتەڕوو، رووداوەکە لە کاتژمێر چواری پاش نیوەڕۆ روویداوە و لە گەڕەکی ئارموتالان داتچا بووە، یەکێک لە جێبەکان کە چەند گەشتیارێکی عێراقی هەڵگرتووە و بەهۆی زۆری باران و خلیسکی رێگاکە، شۆفێەرەکە نەیتوانیوە کۆنتڕۆڵی ئۆتۆمبێلەکە بکات و لە رێگاکە دەرچووە و لە کاتی وەرگەڕانیدا چەند گەشتیارێکی فرێداوە و بەهۆیەوە 5 گەشتیاری عێراقی گیانیان لە دەست داوە.
دەشڵێت، "شۆفێرە تورکەکە و پێنج کەسی دیکەش لە رووداوەکەدا بریندار بوون."
ئاماژە بەوەش دراوە، لەدوای فریاکەوتنی سەرەتایی بریندارەکان رەوانەی نەخۆشخانە کراون و لێکۆڵینەوە لەسەر رووداوەکە دەستی پێکردووە.
Your Comment