هێرشی درۆنەکانی تورکیا بۆسەر کەمپی مەخموور کوژراوێکی لێکەوتەوە
بەشی تورکیا- کەمپى مەخموور بە فڕۆکەى بێفڕۆکەوان بۆردوومان کرا و بەپێی زانیارییەکاان کەسێک گیانی لەدەست داوە.

بەپێی هەواڵی کوردپرێس، میدیاى نزیک لە پەکەکە بڵاویکردەوە، فڕۆكه‌ی بێ فڕۆكه‌وانی بۆمبڕێژكراوی توركیا كاتژمێر ١٢:٤٠ بۆردوومانی ماڵێكی له‌ كه‌مپی په‌نابه‌رانی رۆسته‌م جودی مه‌خموور كرد.

لەم هێرشەدا کەسێک بەناوی ئەبوو زەید عەبدوڵڵا عەبید بریندار بوو و لە کاتی گواستنەوەیدا بۆ نەخۆشخانەی «گیارە» گیانی لەدەست دا.