بنبەستی سیاسیی عێراق بۆتە هۆی ئەوەی کە دیالۆگی نێوان لایەنەکان بە تەواوەتی بوەستێت
بەشی عێراق و هەرێمی کوردستان- وتەبێژی یەکێتیی نیشتمانیی کوردستان ئاماژەی دا بەوەی کە بنبەستی سیاسیی ئێستای عێراق بۆتە هۆی وەستانی گفتوگۆی نێوان لایەنە سیاسییەکان و داوای کرد حزبەکان نەرمی بنوێنن.

بەپێی هەواڵی کوردپرێس، سۆزان مەنسوور لە گفتوگۆیەکدا لەگەڵ ئاژانسی هەواڵی "العهد نیوز" وتی: گرژییە سیاسییەکان نابێت هەر بەم شێوەیە بەردەوام بێت و پێویستە ئەو دەستپێشخەریانەی پێشکەش دەکرێن قبووڵ بکرێن و لایەنە سیاسییەکان لەسەر مێزی گفتوگۆ دابنیشن.

ناوبراو دەشڵێت: زۆر دەستپێشخەری سیاسی هەیە بۆ دەربازبوون لەم قەیرانە، یەكەمیان دەستپێشخەریی بافڵ تاڵەبانی سەرۆكی یەكێتی نیشتمانیی كوردستانە، كە باشترین بژاردەیە بۆ دەربازبوون لەو قەیرانەی ئێستای عێراق.