کاندیدی چوارچێوەی هەماهەنگی بۆ بەدەست هێنانی پۆستی سەرۆک وەزیران بەم زووانە چالاکییەکانی دەست پێدەکات
بەشی عێراق و هەرێمی کوردستان- نوێنەری پێشووی یەکێتی ڕایگەیاند: کاندیدی چوارچێوەی هەماهەنگی بۆ بەدەست هێنانی پۆستی سەرۆک وەزیران بەم زووانە چالاکییەکانی دەست پێدەکات.

بەپێی هەواڵی کوردپرێس، ڕیزان شێخ دلیر لە گفتوگۆ لەگەڵ ئاژانسی هەواڵی نیشتمانیی عێراق (نینا)، زیادی کرد: چوارچێوەی هەماهەنگی تا ئێستاش سوورە لەسەر کاندیدکردنی محەمەد شیاع ئەلسوودانی بۆ پۆستی سەرۆکوەزیرانی عێراق، هەربۆیە لایەنە سیاسییەکانی عێراق ناتوانێت بە لەبەرچاوگرتنی بارودۆخی سیاسی ئێستای وڵات، ئەم چوارچێوەیە لە کاندید کردنی سوودانی پەشیمان بکەنەوە.

ڕێزان شێخ دلیر ئاماژه‌ی به‌وه‌ش کرد: هاوپه‌یمانیی ده‌سه‌ڵاتدار و پارتی دیموکراتی کوردستان خوازیاری پێکبهێنانی حکوومه‌تی نوێی عێراق و به‌شداری کردن تیایدان بۆیه‌ چوارچێوه‌ی هه‌ماهه‌نگی هه‌ر بڕیارێک له‌و باره‌یه‌وه‌ بدات قبووڵی ده‌که‌ن.