بەپێی هەواڵی کوردپرێس، ئامینە عومەر هاوسەرۆکی ئەنجومەنی سووریای دیموکرات (MSD) لە کۆتایی کۆبوونەوەی ڕاوێژکاری کە بە ئامادەبوونی چەند لیژنە لە شارەکانی «ڕەقە» «قامیشلۆ» «حەلەب» و دەیان سیاسەتوان و نووسەر و چالاکوانی مەدەنی بەڕێوەچوو وتی: ئەم کۆبوونەوانە لە چوارچێوەی تەواو کردنی کۆبوونەوەکانی ستۆکھۆڵم بشێوەی ناوخۆیی بەڕێوە چوو. لەم کۆبوونەوانەدا چەندین پرسی سەرەکی و گرینگ لەبارەی ڕێگاچارەی قەیرانی سووریا خرایە بەرباس.
لە سەرەتای كۆبوونەوەكەدا ئامینە عومەر وتارێكی سەبارەت بە ئاسۆی چارەسەركردنی قەیرانی سیاسی لە سووریا پێشكەش كرد و وتی: لە یەكەم ڕۆژی كۆبوونەوەكەدا گفتوگۆ لەسەر چارەسەری قەیرانی سووریا كرا، بۆچوونەكان لەو بارەیەوە پڕبایەخ بوون، زۆربەی بەشداربووانی کۆبوونەوەکە، جەختیان لەسەر دیالۆگی سووری-سووری وەک سەرکەوتووترین چارەسەری قەیرانی سووریا کردەوە.
ئامینە عومەر ئاماژەی بەوەدا کە رێککەوتنێک هەیە کە تاوەکوو بۆچوونی سەرجەم فراکسیۆنەکانی سووریا یەکدەگرن مەسەدە ئەو کۆبوونەوانە درێژە پێبدات.
Your Comment