بەپێی هەواڵی کوردپرێس، فەرماندەیی ناوەندی هێزەکانی ئەمریکا لە راگەیەنراوێکدا باسی لەوە کردووە، دوێنێ هێزەکانیان لە باکووری سووریا ژمارەیەک پێگەی گرووپی چەکدارانی داعشیان بۆردوومان کردوە، لە ئەنجامی هێرشەکانیشدا ئەبوو هاشم ئەمەوی، جێگری والی داعش لە سووریا و بەرپرسێکی باڵای دیکە رێکخراوەکە کوژراون.
ئاماژەی بەوەش کردووە، لە هێرشەکەدا هیچ زیانێک بەر هێزەکانی ئەمریکا نەکەوتووە، جەختیش دەکەنەوە کە هێزەکانیان لە سووریا دەمێننەوە بۆ دڵنیابوون لە لەناوبردنی داعش.
Your Comment