بەپێی هەواڵی کوردپرێس، ئه‌مڕۆ دووشه‌م 14ی تشرینی دووه‌م، شاندێکی وه‌زارە‌تی پێشمه‌رگه‌ به‌ سه‌رۆکایه‌تی عیسا عوزێر سه‌رۆک ئه‌رکانی وه‌زاره‌تی پێشمه‌رگه‌، گه‌یشتنه‌ به‌غدا و کۆبوونه‌وه‌یان له‌گه‌ڵ وه‌زاره‌تی به‌رگری عێراق ده‌ست پێکرد.

ئاژانسی "وشه‌" بڵاوی کردەوە بابه‌تی گفتوگۆی وه‌زاره‌تی پێشمه‌رگه‌ له‌گه‌ڵ وه‌زاره‌تی به‌رگریی عێراق، بریتین لە تاوتوێ کردنی مافه‌کانی پێشمه‌رگه‌ و کێشه‌ چاره‌سه‌ر نه‌کراوەکان‌ و پرسی لیوای 20ی هاوبه‌ش، که‌ هه‌موو کاره‌کانی له‌لایه‌ن وه‌زاره‌تی پێشمه‌رگه‌ ته‌واو بووه‌، به‌ڵام به‌غدا بودجه‌ و پێداویستی بۆ ئه‌و لیوایه‌ دابین نه‌کردووه‌.