بە ئامانج گرتنی خەڵکی مەدەنی  بەرنامەی نوێی حکوومەتی تورکیایە بۆ هێرش کردنەسەر  باکووری سووریا

بەشی تورکیا- کۆما جڤاکێن کوردستان (که‌جه‌که‌) له‌به‌رامبه‌ر ته‌قینه‌وه‌که‌ى شارى ئیستانبوڵ هاته‌ده‌نگ‌ و ڕایده‌گه‌یه‌نێت بە ئامانج گرتنی خەڵکی مەدەنی لە مەیدانی تەقسیمی ئیستامبوڵ بەرنامەی نوێی حکوومەتی تورکیایە بۆ هێرش کردنەسەر ناوچەکانی باکوور و ڕۆژهەڵاتی سووریا.

بەپێی هەواڵی کوردپرێس، هاوسەرۆکایەتیی دەستەی بەڕێوەبەری کەجەکە ڕاگەیاندراوێکی لەبارەی تەقینەوەکەی شارى ئیستانبوڵ کە 13ى ئەم مانگە ڕوویدا، بڵاو کردەوە و ڕایده‌گه‌یه‌نێت: "بزووتنەوەکەمان هیچ پەیوەندییەکی بەم هێرشەوە نییە، ئه‌وان دەیانەوێت ئەم هێرشە بخەنە ئەستۆی بزووتنەوەکەمان ‌و ئەمەش ئەوە دەردەخات، کە ئاکەپە و مەهەپە پلانێکی تاریکی نوێیان داناوە، پێویستە هەمووان وریا بن ‌و ڕاستییەکان ببینن ‌و لێی تێبگەن".

کەجەکە داوا لە ڕۆشنبیران ‌و دیموکراسیخوازانی تورکیا و ڕاگەیاندنەکان‌ و میدیا و هێزە سیاسییە دیموکراتییەکان دەکات: "هیچ بەهایەک بە لێدوان‌ و ڕاگەیاندراوەکانی دەوڵەتی فاشیستیی ئاکەپە و مەهەپە نەدەن، چوونکە دەیانەوێت ڕاستییەکان بشارنەوە".

News Code 7277

Your Comment

You are replying to: .
captcha