بەپێی هەواڵی کوردپرێس، نوێنەری فەرهەنگی کۆماری ئیسلامیی ئێران لە سلێمانی لە گفتوگۆ لەگەڵ کوردپرێس ڕایگەیاند: پێشانگای نێودەوڵەتیی سلێمانیی کتێبی عێراق ڕۆژی پێنجشەممە لە شاری سلێمانی بە ئامادەبوونی لایەنگرانی فەرهەنگی کتێب کرایەوە و نوێنەران و ناوەندەکانی بڵاوکردنەوەی چەندین وڵاتی ئەورووپی و ئاسیای تا دە ڕۆژ بەرهەمەکانی خۆیان دەخەنە بەرچاوی سەردانیکارانەوە.
ناوەندەکانی بڵاو کردنەوە نووسەران لە چەندین وڵات لەوان کۆماری ئیسلامیی ئێران - عێراق - میسر - لوبنان - سووریا - سعوودیە - کوێت - بەریتانیا - تورکیا - قەتەر - ئوردن بەشداریان لەم پێشانگایەدا کردووە.
ئێران لە چوارەمین خولی ئەم پێشانگا نێودەوڵەتییەدایە بە دوو ژووری نیشتمانیی (ماڵی کتێبی ئێران) و ژووری سەربەخۆی ڕاوێژکاری فەرهەنگی ئێران لە بەغدا و بە زیاتر لە ٥٠٠ کتێب و بەرهەمی هەمەچەشن لە بواری فەرهەنگی، هونەری، مێژوویی، لێکۆڵینەوەی ئێرانی، زمان و ئەدەبی فارسی، و ئەدەبیات بۆ منداڵان و هەرزەکاران لە پایتەختی ڕۆشنبیری و ئەدەبی هەرێمی کوردستانی عێراق بەشدار دەبێت.
Your Comment