حكوومەتی عێراق بڕیاری ناردنی 400 ملیارەكەی بۆ هەرێم دا
بەشی عێراق و هەرێمی کوردستان- حکوومەتی عێراق رەزامەندی دا لەسەر ناردنی بڕی 400 ملیار دینار بۆ مانگەکانی 11 و 12 بۆ هەرێمی کوردستان.

بەپێی هەواڵی کوردپرێس، فارس عیسا، سەرۆکی نوێنەرایەتیی حکوومەتی هەرێمی کوردستان لە بەغدا بە رووداوی راگەیاند، حکوومەتی عێراق رەزامەندیی داوە بە ناردنی بڕی 400 ملیار دینار وەکوو مووچەی فەرمانبەرانی هەرێمی کوردستان بۆ هەریەکە لە مانگەکانی 11 و 12ی ساڵی 2022.

هاوكات نزار ئامێدی، وه‌زیری ژینگه‌ی عیراق له‌ لێدوانێكیدا بۆ سایتی ره‌سمی یه‌كێتی رایگه‌یاند: "بڕ‌یاری ناردنی 200 ملیاره‌كه‌ پاڵپشته‌ به‌ كارنامه‌ی وزاری كه‌ ده‌ره‌ئه‌نجامی رێككه‌وتنه‌ سیاسییه‌كه‌ی نێوان هێز و لایه‌نه‌كانی نێو هاوپه‌یمانی به‌رێوه‌بردنی ده‌وڵه‌ته‌".