بەپێی هەواڵی کوردپرێس، فارس عیسا بۆ میدیای پارتی روونیشی کردەوە، لە رۆژانی داهاتوودا بانکی تی بی ئای - بانکی بازرگانیی عێراق: "ئەو بڕە پارەیە دەنێرێت و پاشان لە بودجە گشتیی 2023 جێگەی دەکرێتەوە".

پێشتر لە نووسراوێکى فەرمیدا کە تەیف سامى، وەزیرى دارایی عێراق لە 19ى کانوونى یەکەمى 2022 ئاراستەى ئەمینداریێتى گشتى ئەنجوومەنى وەزیرانى عێراقى کردووە، هۆکارەکانى رەزامەندینەدانى بۆ ناردنى 400 ملیار دینارەکە بڵاو کردووەتەوە کە پێشتر حکوومەتى فیدڕاڵى لە 13ى کانوونى یەکەمى 2022 بڕیارى ناردنى دابوو.