بەپێی هەواڵی کوردپرێس، لە پەیامێکیدا لەبارەی بڕیاری دادگای فیدراڵی بە بلۆک کردنی ناردنی پارە بۆ هەرێمی کوردستان، نێچیرڤان بارزانی رایدەگەیەنێت: "ئه‌و بڕياره نه‌ک ته‌نيا مووچه‌خۆران و خه‌ڵکى کوردستان که هاووڵاتيى عێراقن، به‌ڵکوو ته‌واوى پرۆسه و سه‌قامگيريى سياسى و ئه‌و ڕێککه‌وتنه‌ش به ئامانج ده‌گرێت".
بارزانی دەڵێت: "بڕيارى دادگه‌ى باڵاى فيدراڵيى عێراق به نادروستيى ناردنى شايسته‌ى دارايى و مووچه‌ى مووچه‌خۆرانى هه‌رێمى کوردستان له‌لايه‌ن حکوومه‌تى فيدراڵيى عێراقه‌وه له ساڵانى 2021 و 2022، بڕيارێکى ته‌واو نادادپه‌روه‌ر و سته‌مکارانه‌يه".
سەرۆکی هەرێم راشیدەگەیەنێت: "عێراق به پرۆسه‌يه‌کى درێژ و ئاڵۆزى سياسى و ناسه‌قا‌مگيريدا تێپه‌ڕى تاکوو دواجار حکوومه‌تێک له به‌غدا هاته کايه‌وه که خه‌ڵکى عێراق هيوا و ئومێديان له‌سه‌ر قۆناغێکى سه‌قامگير و باشترى داهاتوو هه‌ڵچنى. هه‌موو چاوه‌ڕوانييه‌ک له دادگه‌ى باڵاى فيدراڵيى عێراق ئه‌وه‌بوو که به پاراستنى به‌رژه‌وه‌نديى هه‌موو پێکهاته‌کانى عێراق و به ڕه‌چاوکردنى دۆخى سياسى، نه‌بێته هۆى شێواندنى ئه‌و ده‌رفه‌ت و که‌شه ئه‌رێنييه‌ى بۆ چاره‌سه‌رکردنى کيشه‌کانى وڵات، به‌تايبه‌تى کێشه‌کانى هه‌ولێر ـ به‌غدا دروست بووه و سه‌قامگيريى سياسيى عێراق نه‌خاته مه‌ترسييه‌وه!"
لە پەیامەکەی سەرۆکی هەرێمکدا هاتووە: "ئه‌م بڕياره‌ى دادگه‌ى باڵاى فيدراڵيى عێراق له‌م کاته‌دا، جگه له‌وه‌ى گومان و ده‌يان نيشانه‌ى پرسيارى گه‌وره دروست ده‌کات، هه‌روه‌ها بابه‌تى په‌له‌کردن له ده‌رچوواندنى ياسايه‌کى تازه بۆ دووباره دامه‌زراندنه‌وه‌ى دادگه‌که ده‌هێنێته پێشه‌وه، وه‌ک به‌شێکى گرنگ و سه‌ره‌کيى ڕێککه‌وتنى لايه‌نه سياسييه‌کان بۆ دامه‌زراندنى حکوومه‌تى نوێى فيدراڵيى عێراق".
Your Comment