کونترۆڵی نەوت پرسی لاعیلاجی نێوان هەرێمی کوردستان و بەغدا
بەشی جیهان- گۆڤاری ئابووریی مید دەنووسێت: کونترۆڵ کردنی نەوت یەک لەو بابەتانەیە کە ململانێی زۆری لەنێوان هەرێمی کوردستان و بەغدا دروست کردووە هێشتا ڕێگاچارەیێکی بۆ دیاری نەکراوە.

بەپێی هەواڵی کوردپرێس، گۆڤاری ئابووریی مید لە دواهەمین ڕاپۆرتی خۆیدا ئاماژەی داوە بە بێ بەش کردنی هەرێمی کوردستان لەو بڕە پارەیە کە بەغدا بۆ پێدانی مووچەی فەرمانبەرانی هەرێم دیاری کردبوو و دەڵێت هۆکارێکی بێ بەش بوونی کوردەکان لەو پارەیە چارەسەر نەبوونی پرسی کونترۆڵ کردنی نەوت و داهاتە نەوتییەکانە.

گۆڤارەکە ئاماژە بە تووڕە بوونی بەغدا دەکات لە سەربەخۆ بوونی پیشەسازیی نەوتی هەرێمی کوردستان و ئاماژە دەکات کە لە شەش ساڵی ڕابردووەوە عێراق چەندین جار پشکی هەرێمی کوردستانی لە بوودجەی گشتیی عێراق بڕیوە و هۆکارەکەشی بۆ هەناردەکردنی نەوت لەلایەن هەرێمی کوردستانەوە دەگەڕێنێتەوە.

گۆڤاری ئابووریی مید هەروەها ئاماژە بە دابەش نەبوونی چەند مانگەی مووچەی فەرمانبەران لە هەرێمی کوردستان دەکات و باس لە ناتەوانیی حکوومەتی خۆجێی هەرێمی کوردستان دەکات لە خەرج کردنی مووچەی فەرمانبەرانی خۆی بەبێ یارمەتیی مانگانەی بەغدا.

 

کۆدی هەواڵنێر: 60113