بەپێی هەواڵی کوردپرێس، ماڵپەڕی هۆڵیود ریپۆرتەر بڵاویکردەوە، درامای "کچانی کۆبانی" کە هیلاری کلینتۆن وەزیری پێشووتری دەرەوەی ئەمریکا و چێڵسی کچی بەرهەمیدێنن، سەدان کاتژمێر لە چاوپێکەوتن و راپۆرتی مەیدانی لەبارەی ژنە شەڕڤانانی کۆبانێوە تۆمارکراوە، کە پاش بڵاوبوونەوەی چەکدارانی داعش دەرکەوتن و لە دژیان جەنگان و دیدگایێکی نوێی سیاسی تایبەت بە خۆیان سەپاند.

ماڵپەڕی هۆڵیود ریپۆرتەر ئەوەشی خستووەتەڕوو، ئەو ژنە شەڕڤانانە بە سەلماندنی خۆیان توانیان رێزگرتنیان لەلایەن سوپای ئەمریکی و پشتیوانی کردنیان بەدەستبهێنن.

لای خۆشییەوە، هیلاری کلینتۆن رایگەیاندووە، "کچانی کۆبانی چیرۆکێکی نائاساییان لەبارەی بوێری و رووبەڕووبوونەوە و تێکۆشانیان لە پیناو دادگەری و یەکسانی تۆمارکردووە".

هاوکات، ماڵپەڕی سی ئێن ئێنی ئەمریکیش بڵاویکردەوە، کە رۆمانی "کچانی کۆبانێ"ی گایڵ تزیماچ لیمۆنیان لەناو ١٢ ناونیشاندا هەڵبژاردووە و داوا لە خوێنەران دەکەن لە ماوەی ئەم ساڵدا ئەو رۆمانە بخوێننەوە.

رۆمانەکە لەبارەی یەکەیەکە لە ژنە شەڕڤانانی کورد، کە بەشداری تێکشکاندنی چەکدارانی داعش لە کوردستانی سووریا و باکووری سووریا دەکەن.

هاوکات، بەگوێرەی راپۆرتەکان، بەرهەمهێنانی فیلمێکی هاوشێوە لەلایەن هۆڵیودەوە تەنها لەسەر کات وەستاوە.

کۆدی هەواڵنێر: 60113