گۆڤاری کاندیان لویێر ڕایگەیاند شاندێکی ناحکوومی لە کەناداوە سەردانی زیندانەکانی ژێر کونترۆڵی کوردەکانی سووریایان کردووە کە 10 هاووڵاتیی داعشی کەنەدی تێدایە و چاوەڕێی دادگای کردن یا گەڕاندنەوە بۆ وڵاتەکەی خۆیانن.
شاندە کەنەدییەکە کە لە پارێزەر و دیپلۆماتکاری پێشوو و چالاکوانانی مافی مرۆڤ پێکهاتبوون لە سەردانەکەیاندا بۆ ناوچەی ژێر کونترۆڵی کوردەکانی سووریا چاویان بە 13 هاووڵاتیی کەنەدی لە کەمپ و زیندانەکاندا کەوت و بارودۆخی ئەو شوێنانەیان زۆر نالەبار وەسف کردووە و داوایان لە بەرپرسانی کەنەدا کرد بەزووترین کات ئەو کەسانە بۆ وڵاتەکەیان بگەڕێننەوە.
بەرپرسانی کوردی سووریا بە شاندە کەنەدییەکەیان ڕاگەیاندووە: ئەوان بەردەوام داوایان لە وڵاتانی بیانی کردووە کە هاووڵاتییە داعشەکانیان بۆ وڵاتی خۆیان بگەڕێننەوە، بەڵام ئەو وڵاتانە ئاوڕیان لە داواکاریی بەرپرسە کوردەکان نەداوەتەوە و لە ئێستادا بەڕێوەبەرایەتیی خۆسەر کەرەستە و هەلومەرجی پێویستی بۆ دادگایی کردنی داعشە بیانییەکان لەبەردەست نییە.
بەرپرسانی کوردی سووریا جەختیان کردەوە کە هەلومەرجی تەواویان بۆ دادگایی کردنی چەکدارە بیانییەکانی داعش نییە و داوایان لە کۆمەڵگای نێونەتەوەیی کرد کە ئەو چەکدارانە بۆ وڵاتەکانی خۆیان بگەڕێننەوە.
کد خبر 2760915
نظر شما