بەپێی هەواڵی کوردپرێس، بوراک بکدیل، شرۆڤەکاری پرسەکانی تورکیا لە پەیمانگای گیت ستۆن دەڵێت شکست هێنانی ئۆپەراسیۆنە سەربازییەکەی تورکیا لە چیای گارە بۆ ئازاد کردنی دیلەکانی ئەو وڵاتە لە بەندی پەکەکە لە ئەستۆی ڕەجەب تەییب ئەردۆغان سەرۆک کۆماری ئەو وڵاتەدایە.
ناوبراو بڕوای وایە ئەردۆغان دەیویست بە ئازاد کردنی دیلەکان لە دەستی پەکەکە سەرکەوتنێکی سیاسی بۆ خۆی بەدەست بێنێت بەڵام ئەنجامەکەی شکست بوو.
بکدیل ئاماژە بە ڕای شرۆڤەکارانی سەربازی دەدات و دەڵێت سوپای تورکیا ئامادەی ئەو ئۆپەراسیۆنە نەبوو.
بوراک بکدیل، شرۆڤەکاری پرسەکانی تورکیا زیاتر وتی: ئەگەر ئۆپەراسیۆنەکە دەرباز کردنی دیلەکانی لێکەوتبایەتەوە ئەردۆغان قۆستنەوەی سیاسی لێدەکرد بەڵام ئێستا کە ئۆپەراسیۆنەکە شکستی هێناوە هۆکاری ئەو شکستە بە کوردەکان، پارتی دیموکراتیکی گەلان، ئۆپۆزیسیۆنی تورکیا و تەنانەت ئیدارەی جۆ بایدن دەزانێت.
کۆدی هەواڵنێر: 60113
Your Comment