بەپێی هەواڵی کوردپرێس، گۆڤاری جەنگە ئاسمانییەکان لە ڕاپۆرتێکدا باس لە قوربانیانی سڤیلی هێرشە ئاسمانییەکانی تورکیا دەکات لە عێراق و سووریا و بە گوێرەی ئەم ڕاپۆرتە سوپای تورکیا لە ساڵی 2015 تا ساڵی 2021 نزیکە 500 ئۆپەراسیۆنی ئاسمانیی ئەنجام داوە کە کوژرانی 1500 کەسی مەدەنیی لێکەوتۆتەوە.

ئەم گۆڤارە کە بە وردیی ژمارەی کوژراوانی سڤیلی هێرشە ئاسمانییەکان چاودێری دەکات ڕایگەیاندووە کە زیاترین کەسانێک کە لە عێراق و سووریا بوونەتە قوربانیی هێرشە ئاسمانییەکانی تورکیا خەڵکی ناوچە کوردنشینەکانی ئەو دوو وڵاتەن.

گۆڤارەکە هەروەها دەڵێت ئامانجی ئۆپەراسیۆنە ئاسمانییەکانی تورکیا لە عێراق و سووریا بە ئامانج گرتنی هێزە کوردەکانە لەو دوو وڵاتە.

کۆدی هەواڵنێر: 60113