مِ بهشی لهی خاکهمه، ایرانیم ایرانیم
بهرز و گهوڕا، چۊ پەڕاوم، کُورد کرماشانیم
تاق وهسانم، شاهوم، یا وەفڕ دالاخانیم
ئههل کرماشانِمو وه نهسل سهربهڕزهیلِ دۊر
وه تهبار هوزِ خوبی سهرپوڵی گیلانیم
بو له بارۊت خوهش بڕنەو دری ژیر مِلِم
گیس شوڕ شان نەخل قەسر ئاوادانیم
دال دالاهو نیشانم، بال و پر دهم تا بەمو
مِ سەڵاسم شان وە شان ئیڵ باوهجانیم
ئههل سونقوڕ، ئههل ههرسین وه دیار بیستۊن
یا وه سهحنه یا وه پاوه کُورد هەورامانیم
مِ جهوانڕودم که تافهی سهرسهراوم هاڵه ڕی
له ڕهوانسهر تیهی ههوارِ شهوقِ پارِزبانیم
خاک کهنگاوهر ئهزیزه نۊر خوهر دهی له شهفهق
مِ له ئهو نۊره چِمانی ئاگرِ داوانیم
بهرزه ناوم تا که مرصاد دیاری ها له ڕیم
ناو آبادِ ولاتم نۊن و ههم نیشانیم
له ولاتم چۊ تۊهنم نهۊشم که گیانم ها وهلای
مِ بهشی لهی خاکهمه ایرانیم ایرانیم
ئەمڕۆلا ئەزیمی
نظر شما