بارزانی له‌ باره‌ی قه‌یرانی هه‌رێمه‌وه‌ دڵنیایی ده‌داته‌ ئه‌مه‌ریکا
سه‌رۆکی هه‌رێمی کوردستان له‌ دیداری شاندێکی ئه‌مه‌ریکایی دڵنیایی دا که‌ دواجار قەیرانی سیاسیی هەرێمیش چارەسەر دەبێت و کاریگەری لەسەر سەقامگیریی هەرێم نابێت و جه‌ختیشی کرد: پاراستنی ئاساییشی نەتەوەیی هەرێمی کوردستان و هەروەها شەڕی دژی داعش دەبێ ئەولەوییەتی هەموو لایەکی هەرێمی کوردستان ده‌بێت.

 به‌پێی هه‌واڵی کوردپرێس: مەسعود بارزانی سەرۆکی هەرێمی کوردستان ڕۆژی چوارشەممە 14ی ئه‌کته‌وبر/22ی ڕه‌زبه‌ر له‌گه‌ڵ شاندێکی هاوبەشی کۆماریخوازانی هەردوو ئەنجوومەنی پیران و نوێنەرانی ئەمەریکا پێهاتوو له‌ سێناتۆر میچ مەککۆنێڵ سەرۆکی زۆرینەی کۆماریخوازانی ئەنجوومەنی پیران و سێناتۆر تۆم کوتون و سێناتۆر مایک ڕۆندز و سێناتۆر جۆنی ئیرنست و ئاندی بار ئەندامی کۆماریخوازی ئەنجوومەنی نوێنەرانی ئەمەریکا و ستیوارت جۆنز باڵیۆزی ئەمەریکا لە عێراق و ماتیوس میتمان کونسوڵی ئەمەریکا لە هەولێر و ژمارەیەک فەرماندەی سوپای ئەمەریکا لە عێراق و ڕاوێژکاری کۆنگریسی ئەمەریکا دیدار و گفتوگۆی کرد.
ماڵپه‌ڕی فه‌رمی سه‌رۆکایه‌تی هه‌رێمی کوردستان له‌ باره‌ی ئه‌م دیداره‌ ڕایگه‌یاند که‌ بارزانی دڵنیایی داوه‌ته‌ شاندی میوان له‌باره‌ی قه‌یرانه‌کانی هه‌رێمی کوردستان و ڕایگه‌یاندووه‌ که‌ کە پاراستنی ئاساییشی نەتەوەیی هەرێمی کوردستان و هەروەها شەڕی دژی داعش دەبێ ئەولەوییەتی هەموو لایەکی هەرێمی کوردستان بێت و دواجار قەیرانی سیاسیی هەرێمیش چارەسەر دەبێت و کاریگەری لەسەر سەقامگیریی هەرێم نابێت.
به‌ گوێره‌ی هه‌واڵه‌که‌ی ماڵپه‌ڕی سه‌رۆکایه‌تی:" لە دیدارەکەدا شاندی میوان ستاییشی بڕوابەخۆبوون و قارەمانێتی و خۆڕاگریی هێزی پێشمەرگەی هه‌رێمی کوردستانیان کرد و سەرسامیی خۆیشیان بە سەقامگیری و پێشکەوتنی گەلی کوردستان نیشاندا و ئەوەیان بە سەرۆک بارزانی ڕاگەیاند کە هەموو جیهان بە بایەخەوە سەیری پێگە و ڕۆڵی هەرێمی کوردستان دەکات. شاندی کۆماریخوازی کۆنگریسی ئەمەریکی پاڵپشتیی تەواوی خۆیان بۆ سەقامگیریی هەرێمی کوردستان و پشتیوانیکردنی هێزی پێشمەرگە و پڕچەککردنی ڕاگەیاند و ئەویان خستەڕوو کە بەردەوام دەبن بۆ هەوڵەکانیان بۆ یارمەتیدان و پاراستنی هەرێمی کوردستان."
هه‌روه‌ها بارزانی  سوپاسی گەل و سەرۆک و حکوومەت و سوپای ئەمەریکای کرد کە پاڵپشتی هەرێمی کوردستان بوونە و ئاستی هەماهەنگیی نێوان هێزی پێشمەرگە و سوپای ئەمەریکای بە نموونەیی وەسف کرد و خۆشحاڵیی خۆیشی نیشاندا کە هەماهەنگییەکە بە شێوەیەک بووە کە هەتا ئێستا خەڵکی سڤیل بۆ یەکجاریش نەکراونەتە ئامانج و ئەوە خۆی لەخۆیدا سەرکەوتن و دەستکەوتە بۆ سوپای ئەمەریکا و هێزی پێشمەرگە.
جەختیشی لەوە کردەوە کە ئەولەویەتی سەرەکیی هەرێمی کوردستان و هێزی پێشمەرگە پاراستنی پێکهاتەکان و شەڕی داعش و لەناوبردنی هەڕەشەی تیرۆریستانە.
باسی گرفتی ئابووری و تێچوونە مرۆڤی و ماددییەکانی شەڕی داعش و هاتنی سەدان هەزار ئاوارە و بڕینی بودجەی هەرێم و دابەزینی نرخی نەوتی ته‌وه‌رێکی دیکه‌ی قسه‌کانی بارزانی بوو   ئامه‌ی داکه‌م پرسانه‌  یەکەوە کێشەی گەورەیان بۆ هەرێمی کوردستان دروست کردووە و قەیرانی ئابووری قووڵتر کردووە.
جێگەی ئاماژەپێدانە لەم کۆبوونەوەیەدا نێچیرڤان بارزانی سەرۆکی حکوومەتی هەرێمی کوردستان و د. ڕۆژ نوری شاوێس جێگری پێشووی سەرۆک وەزیرانی عێراق و فواد حسێن سەرۆکی دیوانی سەرۆکایەتیی هەرێم و فەلاح مستەفا بەرپرسی فەرمانگەی پەیوەندییەکانی هەرێم ئامادە بوون.
 

کۆدی بابه‌ت: 47986  |  به‌روار: ۱۳۹۴/۷/۲۳  |  کاتژمێر: 8 : 38

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
دوایین هه‌واڵه‌کان
تورکیا لە پێناو هێرشکردنە سەر عەفرین خەریکی گواستنەوەی هێزەکانی بۆ ئەعزاز و مارەیە
پەکەکە لە داوێنی چیاکانی ئاڵپی سویسرا کەمپی لێداوە
هەڕەشەی دەرکردنی کوردەکان لە ئەگەری دەنگدانیان بە جیابوونەی هەرێمی کوردستان
پەرە دەدرێت بە دەرفەتەکانی کار لە گوندە مەبەستەکانی گەشتیاری
بازاڕچەی سنووری چیلات دەکرێتەوە / سندووقی خانوونشینانی نەوت، پرۆژەی پترۆکیمیای دێلۆڕان جێبەجێ دەکات
لقی سەربازیی پەکەکە بەرپرسایەتی کوشتنی مامۆستاکەی تورکیای گرته ئەستۆ
بەنداوی سەردەشت ئەوڕۆ ئاوگیری کرا
ئارەزووی هەندێک عەشیرەی عەرەبی نەینەوا بۆ لکانی ناوچەکانیان بە هەرێمی کوردستان
دەنگی ئەرێنیی جەهەپە به "هەڵوەشانەوەی حەسانەی نوێنەران" ئاراستەی مێژوویی تورکیای گۆڕی / ئەگەر ئێمه ئازاد بایەین ئێستا گشتپرسییەکە شکستی نەدەهێنا
به دڵنیاییەکی زۆرەوه ڕایدەگەیێنین، ئەبووبەکر بەغدادی کوژراوه
سوپای تورکیا خۆی ئامادەی هێرش بۆ سەر تەل رەفعەت و بنکەی ئاسمانیی مەنغ دەکات
سوپای تورکیا تانکەکانی خۆی ڕەوانەی سنووری کیلیس- عەفرین کرد
Du leşkerên Tirkiyeyê ji aliyê PKK`ê ve hatin kuştin
Endamek Rêveberiya PDKê: Em ê rasterast bi Tevgera Goranê re biaxivin
Wezîrê Navxwe yê Îranê li bajarê Sineyê: Divê em ji bo pêşketina Kurdistanê hewl bidin
ئیمکانات